گەشەی دانیشتوانی عێراق بۆ 2.5% دابەزیوە لەگەڵ دابەزینی ڕێژەی منداڵبوون.

ڕاوێژکاری سندوقی دانیشتوانی نەتەوە یەکگرتووەکان مەهدی العلاق، ئەمڕۆ دووشەممە، پشتڕاستکردەوە، کە ڕێژەی گەشەی دانیشتوانی عێراق لە بەراورد بە دوو دەیەی ڕابردوودا پاشەکشە دەکات، بە پێی ئەوەی کە زیادبوونی دانیشتوانی ئێستا بە تەقینەوەیەکی زیادە، سەرەڕای ئەوەی ڕێژەکە لە ناوەندی جیهانی بەرزتر ماوەتەوە.

لە لێدوانێکدا بۆ ئاژانسی فەرمی (مەد) ، العلاق وتی ڕێژەی گەشەی دانیشتوانی عێراق نزیکەی ٢.٥ لەسەدییە، بەڵام لە دوو دەیەی ڕابردوودا زیاتر بوو لە ٣ لەسەدی، ئەوەش نیشانەی کەمبوونەوەی بەرچاوی گەشە لە ساڵانی ڕابردوودا.

ئاماژەی بەوەشکردووە، ئەو دابەزینە پەیوەندی بە دابەزینی ڕێژەی لەدایکبوونی ژنانی عێراقەوە هەیە، ئاماژەی بەوەشکردووە، ڕێژەی لەدایکبوون لە ساڵانی هەشتاکانی سەدەی ڕابردوودا لە نێوان شەش بۆ حەوت لەدایکبوون بوو بۆ هەر ژنێک، لە کاتێکدا ئێستا دابەزیوە بۆ نزیکەی سێ لەدایکبوون بەپێی ئەنجامەکانی سەرژمێری گشتیی دانیشتوان.

ئەو پێوەندییە ئاماژەی بەوەشكردووە، رێژەی لەدایكبوون لە ئێستادا، ئەگەرچی بەراورد بە رێژەی جیهانی بەرزە، بەڵام لە بەراورد بە رێژەی پێشوو دابەزینێكی راستەقینە، ئەمەش بووە هۆی دابەزینی رێژەی گەشەی دانیشتوانی وڵات بۆ نزیكەی 2.51%.

ئاماژەی بەوەشکرد، جیاوازییەکە هێشتا بەرچاوە لە بەراوردکردنی عێراق لەگەڵ تێکڕای گەشەی دانیشتوانی جیھانی نزیکەی ١.١ لەسەدا، واتە عێراق هێشتا ڕێژەی گەشەی بەرچاو تۆمار دەکات، بەڵام لە هەمان کاتدا بەرەو کەمبوونەوەی پاشەکشەی گەشەی دانیشتوان دەڕوات.